*ഓട്ടോറിക്ഷകൾ ഇൻഡിക്കേറ്ററിടും കാലം*
ഇതൊരു സാങ്കൽപ്പിക കഥയാണ്... അപ്പൊ നമുക്ക്‌ വേണ്ടത് ഒരു സാങ്കൽപ്പിക നാമമാണ്...
{കടപ്പാട്: I C U}
അല്ലേലും കാറൽ മാർക്സ് ആഹ്വാനം ചെയ്തിരിക്കുന്നത് 'വിപ്ലവം വരട്ടെ' എന്നാണ് .
എന്തിന് തലക്കെട്ടുകളിൽ മാത്രം വിപ്ലവം പൂവണിയാതിരിക്കണം! തലക്കെട്ട് എഴുതുന്നത് അത് വായിച്ചാൽ താഴെ എഴുതിയത് വായിക്കാൻ തോന്നിക്കണം എന്ന ഒരേ ഒരു ഗൂഡ - സദുദ്ദേശത്തോടെ ആണല്ലൊ! അതു കൊണ്ട്‌ ഞാൻ ഈ വിപ്ലവം ശിരസ്സാ വഹിക്കുന്നു.
ഇനി കഥയിലേക്ക് ...
സാങ്കൽപ്പികമാണ് ...
ഈ ലോകത്ത് സംഖ്യ കണ്ട് പിടിക്കപ്പെട്ടിട്ടില്ല; അവിടെ മത്സരം ഇല്ല, വസ്തുവും വ്യക്തിയുമെല്ലാം താരതമ്യങ്ങൾക്ക് അതീതം ...
അവർക്ക് എണ്ണൽ വശമില്ല; 'ഒന്ന് ' എന്നവർ പഠിച്ചിട്ടില്ല, ഒന്നാം സ്ഥാനക്കാരനില്ല, അവസാനക്കാരനില്ല.
ഇവിടെ വിദ്യാഭ്യാസത്തിൽ 'വിദ്യ' ക്കെത്രെ ഏറെ പ്രാധാന്യം.
അവർക്ക്‌ അതിരുകൾ ഇല്ലത്രേ... അതു കൊണ്ട് വേലി കെട്ടാനും പൊളിക്കാനും സമയം കളയേണ്ട; പോരാത്തതിന് സമയം ക്രമീകരിക്കാൻ എണ്ണം അറിയില്ലല്ലോ! അതു കൊണ്ട് അവർ സന്തോഷം കിട്ടുന്നതെന്തിനും ഏറെ നേരം ഏർപ്പെടും. ദിവസങ്ങൾക്ക്‌ എണ്ണമില്ല, മാസാവസാന പിരിമുറുക്കമില്ല; കണക്കുകളില്ല; കൊടുത്തു തീർക്കാനും ചെയ്ത് തീർക്കാനും ഒന്നുമില്ല; ആരേയും ബോധിപ്പിക്കുന്നുമില്ല!
കച്ചവടമില്ല! ശമ്പളത്തിനു പുറകിലെ പൂജ്യങ്ങൾ എണ്ണുവാനും ആരേയും കാണുന്നില്ല!
എണ്ണാൻ ഉപയോഗിക്കുന്ന വിരലുകൾ ഇവർ കെട്ടി പാടിക്കാനും ഹസ്തദാനത്തിനും ഒരു കൈ സഹായത്തിനുമത്രേ ഉപയോഗിക്കുന്നത്!
എന്തുകൊണ്ടോ സംഖ്യകൾ ഇവിടെ ജനിക്കും മുൻപേ മൃതിയടഞ്ഞു! ആര്യഭടനും ഭാസ്കരാചാര്യനുമെല്ലാം ലജ്ജിച്ച് തല താഴ്ത്തി !

~ ദീപക്‌

Comments

Post a Comment

Popular posts from this blog

ഒരു പഴുത്ത പ്ലാവിലയുടെ കഥ.....

       എനിക്ക് എങ്ങനെ വിട ചോദിക്കുവാൻ കഴിയും...!ഇനിമേൽ നിനക്കെന്നെ ആവശ്യമില്ലെന്നു അത്രമേൽ അറിഞ്ഞിട്ടും....വസന്തത്തിന്  ഇല കൊഴിയുന്നത് ഇന്നോ ഇന്നലെയോ തൊട്ടല്ല ..ഇല കൊഴിയുന്ന കണ്ടും മരം നീലാകാശത്തിലേക്ക് തല ഉയർത്തി പിടിച്ച് തന്നെ നിന്നു. നീ തളിരിട്ടത്‌ മുതൽ നിനക്കെകേണ്ടതെല്ലാം തേടി നൽകി, ഭൂമിയിൽ നിന്ന് വെള്ളം വലിച്ചെടുത്തു, പോഷക മൂല്യങ്ങൾ നേടി തന്നു; ഇതെല്ലാം കൃതാർത്ഥത മാത്രമാണെന്ന് പറയുന്നു മരം.....കൊഴിയുന്ന ഇല കണ്ട് കരയുന്നില്ല... പഴുത്ത പ്ലാവില വീഴുന്നത് കണ്ട് പുത്തൻ പ്ലാവില കരയേണ്ടെന്ന പുതുഞ്ചൊല്ല്‌ മരമുത്തശ്ശി കാറ്റിന് ഓതി കൊടുക്കുന്നുണ്ട്... ഓരോ വർഷവും, ഈ ഇലകളിലും, ചെരിപ്പ് പതിഞ്ഞ്, മണ്ണിൽ അലിഞ്ഞ് ചേരാരെ ഉള്ളൂ...ചില ഓർമ്മകൾ പോലെ...പുതുനാമ്പുകൾക്കായി ജീവിക്കുന്ന തിരക്കിലാണ് ഈ വന്മരം ; ആരോട് പറയാൻ.....ആര് കേൾക്കാൻ.....ഞങ്ങൾ പോവുകയാണെന്ന്....         വിവിധ ശാഖകളിലായി ഒരുപാട് ഇലകൾ തളിരിട്ടത് ഒരുമിച്ചായിരുന്നു; അതിൽ ചിലത് പൂവിട്ടു...കായ്ച്ചു...അതിൻ്റെ ഫലം ആവോളം നുകരാൻ പക്ഷികളെന്നവണ്ണം വഴിയാത്രയകരും ഏറെയെത്തി... ചില്ലകളെല്ലാം സൂര്യ...
Read more

You.....Me....&...Him

Image
Mr . ക :എന്തായിരുന്നു ഈ നാല് കൊല്ലം പണി? നിന്നെ എങ്ങനെ കൊണ്ടാക്കീതാ കോളേജില് ! Mr . ഖ  :കേട്ടിട്ടില്ലേ ഡിഗ്രി പഠിത്തംന്ന് ...അതന്നെ ആർന്ന് പണി.. Mr . ക  :എന്നിട്ടോ? ന്ത് പഠിച്ച് ? Mr .  ഖ   :കൊറേ ചോദ്യങ്ങൾക്ക് ഉത്തരം കിട്ടി..പിന്നെ ഇതേ പോലത്തെ കൊറേ ചോദ്യങ്ങൾക്ക് ഉത്തരം കൊടുക്കാനും പഠിച്ച് .. Mr . ക :എന്നിട്ടിപ്പോ എന്ത് പറയുണു? Mr .  ഖ   :ഇനീം ഉത്തരങ്ങൾ തേടാൻ ണ്ട് ..ആ വഴി നടന്നോണ്ട് ഇരിക്ക്ണു... Mr . ക :കൊറേ സ്വപ്നങ്ങളുണ്ടായിരുന്നു ല്ലോ കോളേജ് ന്നും പറഞ്ഞ്..! Mr .  ഖ :സ്വപ്നങ്ങളുടെ പ്രത്യേകത ന്താ? സ്വപ്നത്തിൽ ഉണ്ടാവുമ്പോ നമുക്ക് അറിയില്യാലോ അത് സ്വപ്നം ആയിരുന്നു ന്നു.. എല്ലാം തീരുമ്പോ അല്ലെ അറിയാ! Mr . ക :ഇനീപ്പോ അതും പറഞ്ഞ് ഇരുന്ന് വല്ല കാര്യോം ണ്ടോ? Mr .  ഖ :അതും പറഞ്ഞ് ഇരുന്ന് കാര്യോന്നൂല.. അതറിയാ..പക്ഷെ അതീന്ന് കിട്ടിയ ചില ഇത് ണ്ട്...അതിന്നു കാര്യണ്ട് .. Mr . ക :ന്താപ്പോ പുതീതായ്? Mr .  ഖ :ഏത് ജില്ലേൽ പോയ് പെട്ടാലും വിളിക്കാൻ ഒരു ഫോൺ നമ്പർ ണ്ട്.. ഏത് അവസ്ഥേലും മുന്നോട്ട് നോക്കാൻ  പോന്ന മനസ്സ് ണ്ട് .. Mr . ...
Read more
Do you have a traveler inside you? ഉത്തരം തേടി തുടങ്ങി ഒരുപാട് നാളായി...... ഒരു യാത്രികൻ ഉള്ളിൽ എവിടെയോ ഒളിഞ്ഞിരിപ്പുണ്ടോ? മുഖപുസ്തകത്തിലെ പ്രൊഫൈൽ പിക്ചർ കാലഹരണപെടുമ്പോളല്ലേ  നിൻ്റെ  മനസ്സ് യാത്ര പുറപ്പെടുന്നത്? ഈ വിധം ചിന്തകൾ മനസ്സിനെ അലട്ടുന്ന യൗവനം ..വിപ്ലവം വിരിയാത്ത പൂ മാത്രമായി പോവുകയാണോ  എന്ന ആശങ്ക  മനസ്സിനെ കീഴ്പെടുത്തി രസിക്കുന്നു... 'blood shelter' ഒരേ സമയം ആശ്രയവും അഭിമാനവും ആവുന്നു എന്ന പോലെ തന്നെ ചൂണ്ടുന്ന വിരലുമായ് ഭാവിയുടെ അനന്തതയിലേക്ക് കണ്ണോടിക്കുന്നു...  പുരോഗമനവാദം പ്രവ്യത്തിയിൽ എത്തിക്കാനാവാത്തതും 'ക്ലിഷേ' കളോടുള്ള മടുപ്പും ഒരേപോലെ  ചിന്താമണ്ഡലത്തിലെ കൊടുംകുറ്റവാളികളായി നിലനിന്നു പോകുന്നു....ആദ്യ പ്രണയം ആവാതെ പോയതിനു പുസ്തകങ്ങൾ നരികണ്ണു കാണിക്കുന്നതും, അഗാധത തേടി അലഞ്ഞ സൗഹൃദക്കൂട്ടുകളും, എന്നിലെ കുറവുകൾക്ക്  അർത്ഥം നല്കാൻ പോന്ന നീയും തീരാദുഃഖങ്ങളായി മനസ്സിലെ കവാടത്തിൽ നിന്ന്  ഉള്ളിലേക്ക് വരുന്നതും പോവുന്നതും അരിച്ചെടുക്കുന്നത് എൻ്റെ മൗനസമ്മതത്തിൽ തന്നെ ആയിരുന്നില്ലേ?... പ്രതിബന്ധങ്ങൾ താണ്ടുമ്പോൾ ക...
Read more