I AM NOT A BLOGGER..!

Mr . ക :എന്തായിരുന്നു ഈ നാല് കൊല്ലം പണി? നിന്നെ എങ്ങനെ കൊണ്ടാക്കീതാ കോളേജില് ! Mr . ഖ  :കേട്ടിട്ടില്ലേ ഡിഗ്രി പഠിത്തംന്ന് ...അതന്നെ ആർന്ന് പണി.. Mr . ക  :എന്നിട്ടോ? ന്ത് പഠിച്ച് ? Mr .  ഖ   :കൊറേ ചോദ്യങ്ങൾക്ക് ഉത്തരം കിട്ടി..പിന്നെ ഇതേ പോലത്തെ കൊറേ ചോദ്യങ്ങൾക്ക് ഉത്തരം കൊടുക്കാനും പഠിച്ച് .. Mr . ക :എന്നിട്ടിപ്പോ എന്ത് പറയുണു? Mr .  ഖ   :ഇനീം ഉത്തരങ്ങൾ തേടാൻ ണ്ട് ..ആ വഴി നടന്നോണ്ട് ഇരിക്ക്ണു... Mr . ക :കൊറേ സ്വപ്നങ്ങളുണ്ടായിരുന്നു ല്ലോ കോളേജ് ന്നും പറഞ്ഞ്..! Mr .  ഖ :സ്വപ്നങ്ങളുടെ പ്രത്യേകത ന്താ? സ്വപ്നത്തിൽ ഉണ്ടാവുമ്പോ നമുക്ക് അറിയില്യാലോ അത് സ്വപ്നം ആയിരുന്നു ന്നു.. എല്ലാം തീരുമ്പോ അല്ലെ അറിയാ! Mr . ക :ഇനീപ്പോ അതും പറഞ്ഞ് ഇരുന്ന് വല്ല കാര്യോം ണ്ടോ? Mr .  ഖ :അതും പറഞ്ഞ് ഇരുന്ന് കാര്യോന്നൂല.. അതറിയാ..പക്ഷെ അതീന്ന് കിട്ടിയ ചില ഇത് ണ്ട്...അതിന്നു കാര്യണ്ട് .. Mr . ക :ന്താപ്പോ പുതീതായ്? Mr .  ഖ :ഏത് ജില്ലേൽ പോയ് പെട്ടാലും വിളിക്കാൻ ഒരു ഫോൺ നമ്പർ ണ്ട്.. ഏത് അവസ്ഥേലും മുന്നോട്ട് നോക്കാൻ  പോന്ന മനസ്സ് ണ്ട് .. Mr . ...

      നൂറു സിംഹാസനങ്ങൾ നൂറു സിംഹാസനങ്ങൾ എന്ന് നൂറാവർത്തി കേൾക്കുകയും അതിൻ്റെ കാലികപ്രസക്തി കൂടി കൂടി വരികയും ചെയ്യുന്ന ഒരു വേളയിലാണ് ഈ ഒരു പലവായനക്ക് മുതിരുന്നത്...ജയമോഹൻ്റെ ഈ കോപ്പിലെഫ്ട് തീച്ചൂളയിൽ നിന്ന് പൊള്ളൽ ഏൽക്കാത്തവർ ചുരുക്കമായിരിക്കും..ഇന്നിൻ്റെ കാലത്തെയും ഇന്നിനിയുള്ള കാലത്തേക്കുമെല്ലാമായി അയക്കുന്ന ചോദ്യശരങ്ങളിൽ ഒന്നിനെ പരിശോധിക്കുകയാണ്...ഒരു കൃതി കാലാനുവർത്തി ആവുന്നതിനെ പറ്റി ONV  ഒരിക്കൽ എഴുതിയത് ഓർക്കുന്നു...        ധർമപാലൻ തൻ്റെ ജീവിതത്തിൻ്റെ ഇരു വശങ്ങൾ കണ്ട സിവിൽ സർവീസ് ഇൻറർവ്യൂ കഴിഞ്ഞ് കാൻന്റീനിൽ ഇരിക്കുന്ന സമയം.. തന്നെ ഇൻറർവ്യൂ ചെയ്ത പാനലിലെ  മെമ്പർ ആയ ഒരു മുതിർന്ന IAS ഉദ്യോഗസ്ഥൻ ധർമപാലനോട് സംസാരിക്കുന്നുണ്ട്..  " താങ്കൾ സിവിൽ സർവീസ് യോഗ്യത നേടിയിരിക്കുന്നു ...congrats ..നിങ്ങൾ പറഞ്ഞ ഉത്തരങ്ങൾ എല്ലാം ശരി ആയിരുന്നോ എന്നൊന്നും എനിക്ക് അറിയില്ല.. പക്ഷെ ഞാൻ നിങ്ങൾക്ക് ഉയർന്ന മാർക്ക് നൽകി...സമൂഹത്തിനു മുന്നിൽ ആധുനികനാവാൻ എനിക്ക് അത് ചെയ്തേ മതിയാവുമായിരുന്നുള്ളൂ..  ഞാൻ കരുതിയത് മറ്റുള്ളവർ മോശം മാർക്ക് നൽകും...

    ഇതൊരുമാതിരി കള്ളുകുടിയന്മാർ ഞാൻ കള്ളു കുടിക്കില്ല എന്ന് പറയുന്ന പോലെ, ഈ I am not a blogger ക്ക് ന്തോ ഒരു കുഴപ്പമുണ്ടല്ലോന്ന് ഒരു കൂട്ടുകാരൻ... അണ്ണാ നീ എന്ന ഒന്ന് നമ്മളെ ഒക്കെ കുറിച്ച എഴുതി കാണാ ന്നാ ഒരാൾക്ക് അറിയണ്ടേ...അതിനു ചിലോരെ ഒക്കെ കാണിക്കാൻ വേണ്ടി അല്ലെ എഴുത്ത് ന്നു comment. നീ എന്നേലും ഒക്കെ മനുഷ്യനു മനസ്സിലാവണത് എഴുതാൻ തുടങ്ങിയാൽ ലിങ്ക് അയക്കണം എന്നൊരു കൂട്ടുകാരൻ...ഇതിലും പരം ആണ് പൊക്കി പൊക്കി കുട്ടി  കൃഷ്ണ മാരാരുടെ അപ്പുറത്ത് എത്തിക്കാൻ ശ്രമിക്കുന്ന ഒരു ക്രീയേറ്റീവ് സുഹൃത്ത്.    സച്ചിൻ വിരമിച്ച അന്ന് my life was always within these 22 yards വൈകാരിക പ്രസംഗം ഒക്കെ കേട്ട് ഇരിക്കുമ്പോളാണ് ഒരു കട്ട സച്ചിൻ hater ആയ എനിക്ക് പറഞ്ഞറിയിക്കാൻ ആവാത്ത ചിലത് കുറിച്ചിടണമെന്നു തോന്നി ഒരു ബ്ലോഗ് തുടങ്ങിയത്.ചൈനയിലെയോ കൊറിയയിലെയോ ഏതോ ഒരാളെ പ്രശസ്തിയുടെ അങ്ങേ തലയിൽ എത്തിച്ച പത്രവാർത്തയിൽ മാത്രം പരിചിതമായിരുന്നു ബ്ലോഗ് എന്ന വാക്ക്.ആഴ്ചപ്പതിപ്പിൽ പെട്ടെന്ന് മരിച്ച വിടുന്ന 2 പേജ് ആയിരുന്നു ബ്ലോഗന. എന്നിട്ടാഞാൻ എഴുതി തുടങ്ങി...ആദ്യ ശ്രമം തന്നെ പരാജയമായി ...2 പാരാ...

എൻ്റെ രാഷ്ട്രീയം അത് സ്നേഹത്തിൻ്റെതാണ്... നിങ്ങളുടേതോ....? വെറുപ്പിൻ്റെയും... അത്രയേ ഉള്ളൂ വ്യത്യാസം...അത്ര മാത്രം.. ഞങ്ങൾ പറയുന്നത് 'സലോസ' എന്നാണ്.. എന്നു വച്ചാൽ സകല ലോക സ്നേഹം.. നിങ്ങളോ ഒരു കൂട്ടത്തെ വെറുക്കുന്നവർ കൂടെ കൂടുന്നു.. നിങ്ങൾക്ക് ഒരുമിക്കാൻ അപ്പുറത്തു ഒരു പാകിസ്ഥാനോ ഒരു ഇസ്രയേലോ ഒരു അന്യമതസ്ഥനോ വേണം.. അത്രയേ വേണ്ടൂ.. നിങ്ങളുടെ പരമമായ ലക്ഷ്യം എത്ര ചെറുതായി പോയെന്നു എപ്പോളെങ്കിലും തോന്നിയിട്ടുണ്ടോ? ഇല്ലെങ്കിൽ തോന്നണം.. 'ഖണ്ഡനവാദം' എന്ന പദം കേട്ടത് ഈ അടുത്താണ്.. നിങ്ങളും ആ വാക്കിൻ്റെ അർത്ഥം അറിഞ്ഞിരിക്കേണ്ടിയിരിക്കുന്നു... ഖണ്ഡിച്ചു പോകും എന്നുറപ്പുള്ള അല്ലെങ്കിൽ സമൂഹം എതിർക്കും എന്നു ഉറപ്പുള്ള വാദങ്ങൾ തുടർച്ചയായി, കൃത്യമായ ഇടവേളകളിൽ നിങ്ങൾ ഇട്ടു തരുന്നു.. അതിൻ്റെ മറവിൽ അല്ലെങ്കിൽ കുട പിടിച്ച്‌ നിങ്ങൾ പിന്നണിയിൽ നടപ്പാക്കുന്ന കൃത്യമായ അജണ്ടകൾ ഞങ്ങൾ മനസിലാക്കുന്നു... നോട്ട് നിരോധനം, ബീഫ് വിഷയം ഇവ എല്ലാം നിങ്ങൾ നന്നായി ഉപയോഗിച്ചു... മാതൃഭൂമി ആഴ്ചപ്പതിപ്പിൽ ഈ അടുത്ത് വന്ന ഒരു സ്റ്റോറിയുടെ തലക്കെട്ട് ഇതായിരുന്നു... "കാം ജാരീ ഹേ ".. അതെ അത് നടന്നു കൊണ്...